الجبن : الاكلة المفضلة للفأر

الجبن : الاكلة المفضلة للفأر

البارح واحد صوحوفية ڭالك تتدوي على الحداثة وهاد شي ديال حقوق المرأة والهوس الجنسي والهترة والتحرش ناضت أسيدي كتبت مقال "صوحوفي" تحت عنوان "جبان أنت أيها الفأر المغرد" كرد على واحد الهاشتاق " #غرد_مثل_سناء_العاجي " كانوا داروه شي مغردين طلعوها عليها فيه على مقال ديالها تحت عنوان " "البكارة والحجاب...أدلة شرف مغشوشة؟" المعروف عند المغردين ب "عزيزي الرجل"...

داك المقال ديال عزيزي الرجل لي تيقراه أولا تحشم تكول أنه مقال في 1500 حرف أي بلغة تويتر يالاه 11 تغريدة وهاد التغريدات غ تيفطر بهم "المغرد الجبان" أما من ناحية الموضوع فهو موضوع مستهلك أكثر من فرج عاهرة بلغت 45 العام وهادشي لي دفع المغردين يشدو فيها...

واش حنا ف 2017 والساطة باقة حاصلة فموضوع البكرة وعلاقتها مع الشرف وتتدوي بكليشيهات قديمة وفين جاية تتنشر هادشي ف تويتر ؟ ما شي الهبال والحماق... هادشي كان تيوكل الخبز بالنسبة للصحافة في أواخر التيسعينات وبداية 2000 كانت الصحافية لي تتدوي على هاد المواضيع تعتبر جريئة مشاكية تكسر الطابوهات...أما دابا أحنينتي راه الدراري غ تيبلغو ولا حافظين أسما مشاهير البورنو أكثر من اسماء الممثلين المغاربة وما بقاش بنادم تيتشوكا من هاد المواضيع...داكشي علاش المقال نوض عليها النحل ديال السخرية والتهكم نظرا لغباء الطرح والموضوع.

المهم الساطة ما عجبهاش الحال وخصوصا ان ذاك الهاشتاق طلع فالتراند ناضت كتب مقال "جبان أنت أيها الفأر المغرد" لي تتنفخ فيه و تتطبل لراسها بكونها من الباحثين في لي تيكتبو في "تيمات" وان الناس لي تينتقدوها يخليها تتسائل حول هوسهم بالجنس وأنهم جبناء وت حد ما تعرف أسمائهم و مخبيين ورا الكلافيي وتيعايرو ولا يملكون الجرأة وان بنادم تيقرا غ العنوان ديال شي لعيبة وتيبدا يعاير ويسب وكذا...المهم مقال أكثر غباء و كله شخصنة وسب بالمقابل تحت شعار : عايرتوني في الهاشتاق ت أنا غ نعايركم وانتوما ماشي "رجالة" حيت مخبين وتتعايرو...شغل التكاميش فالحمام...

عوض ما ترد بمقال "علمي أو اجتماعي لوجيكي" قلبتها تجريح وهادشي يتنافى مع من تدعي البحث العلمي والحجة والبرهان أي أن المقال كله عبارة عن رفيسة عميا ديال "الادومينيم AD HOMINEM" وتيزيد يزكي موقف المغردين الفئران محبي "الجبن" في نعتها بالبلادة والسطحية في الطرح. وغ تلاحظي انني فهاد الكتابة لن أتطرق لذاتك وحياتك الشخصية رغم ان النت عامر بهاد العفن ديال الشخصنة لأن ذلك لا يهمني كل ما يهمني ما قلته...

 مسألة الأنونيما :

تيبان ليا ان الاخت الصوحافية ما فاهماش أن تويتر ماشي الفايسبوك وأن اغلب الناس تتجي لتويتر لهامش الحرية الزائدة وأن ما يهم فتويتر هي الافكار المغرد بها لا أصحابها وذلك هو قمة حرية التعبير التي تطبل لها صاحبة "الجبن-الفرماجي" في شق المواضيع لي تتدافع عليها و تيغبر عندها داك الستون ديال : "العبرة بالكلام لا بصاحبه"...بغيتو تردو على الصوحافية كتبو نمرة لاكارط ديالكم مع كل تغريدة باش ما تبقاوش جبناء وتخرجوا من خانة الطوبات القادوسية.

مسألة مواضيع الجنس :

عالميا هاد الموضوع هو دائما يثير اهتمام و فضول الناس لأنه تقيس الحياة اليومية وخصوصا المتعة فمن الطبيعي والفطري ان الناس تهتم بيه والدليل ان فالدول "المتقدمة تحرريا" كاينة L'INDUSTRIE DU SEX إذا بلاما تبقاي تلعبي على وتر الهوس الجنسي والهجوم على الناس من باب : أنا راني واعرة وفاهمة وغ نضركم فالمواضيع الحساسة...حبذا تخرجي شوية من الذاتية وإسقاط واقعك على غيرك...خصوصا وانك اكثر المدافعات عن الاختلاف. 

نكوي ونبخ...

عزيزتي سناء راه يعيا الفار وما يعيا الغار...

كوني طولانطية كووول عزيزتي وبلا تزكريم خاوي راه بنادم فتويتر غ طالقها تسرح...

طلقي العجول يرضعو...تسلمي و تغنمي...

عندك شي بحوث مرحبا أما ديك نكتب مويقيل باش نوض زوبع ديال تمخض الجبل فولد فأرا وطوبة قادوسية راها ما خدماش...

قبلاتي الحارة عزيزتي 😙